NA Gharos Riwa Bunda.
Kaimu meneja wa kampuni
ya mount meru milas ambae pia ni mwenyekiti wa chama cha mapinduzi ccm wilaya
ya Bunda Mheshimiwa Justine Rukaka Makongoro,amekabidhi tanki la maji la lita 2000
katika shule ya sekondari Nyiendo iliyoko katika Halmashauri ya Mji wa Bunda Mkoani
Mara.
Akikabidhi tanki hilo
mheshimiwa Rukaka amesema kuwa kampuni ya Mount Meru Milas Ltd kwa kutambua
changamoto ya maji katika halmashauri ya mji wa bunda na wilaya kwa ujumla
imeamua kusaidia shule hiyo kwa kuwapelekea
tanki la maji litakalotumika kutunza maji kwa ajili ya matumizi
mbalimbali kwa wanafunzi na waalimu.
Akipokea msaada huo
Mwalimu mkuu wa shule hiyo Merida Maeda amesema wanaishukuru kampuni ya Mount
Meru milas kuona umuhimu wa kuwapatia tanki hilo la kuhifadhia maji kwani
wanakabiliwa na upungufu wa maji ukizingatia shule hiyo inawanafunzi wangi wapatao
1000.
Sambamba na hilo
Mwalimu maeda amesema kuwa shule hiyo inachanzo cha maji kisichoaminika yaani
kisima pamoja na maji ya mamlaka ya maji bunda BUWASA lakini wanashindwa
kukidhi maitaji kutokana mamlaka kutokuwa na ratiba ya kueleweka katika
usambazaji wa maji.
Hata hivyo kwa upande
wao waalimu na wanafunzi shuleni hapo wameishukuru kampuni hiyo kwa kuwapelekea tanki hilo, na kusema kuwa awali halikuwepo na sasa litawasaidia
katika shughuli mbalimbali za shuleni hapo.
Post a Comment
karibu kwa maoni