HALMASHAURI YA MJI WA BABATI YAIKABIDHI BAWASA MRADI WA MAJI WA MAMILIONI.

Halmashauri ya mji wa Babati kwa kushirikiana na wanakijiji wa Kiongozi wamekabidhi mradi wa maji katika mamlaka ya maji safi na usafi wa mazingira {BAWASA} wenye thamani ya shilingi milioni 447,989,480 za kitanzania.
Mradi huo umekabidhiwa kwa BAWASA na katibu tawala wilaya ya Babati Alli Mshamu kwa Niaba ya mkuu wa wilaya mbele ya wakazi wa kijiji cha  Kiongozi.
Licha ya kuukabidhi mradi huo bado tatizo la maji ni kubwa katika vitongoji vya Changarawe,Kwa Kombo Misuna na  Mlangarini.
Akizungumza mara baada ya kutia sahihi mkurugenzi wa BAWASA Iddy Msuya amesema kuwa watahakikisha ndani ya siku 14 wanamalizia baadhi ya vifaa vilivyobaki ili maji yawafikie wakazi wote wa kijiji cha Kiongozi.