WORLD VISION TANZANIA KUBORESHA HUDUMA YA AFYA BABATI VIJIJINI.

 
Katika kuboresha huduma ya afya na kuokoa vifo vya mama na mtoto vijijini, wahudumu wa afya wemapatiwa mafunzo maalumu ya siku ishirini na moja katika Tarafa ya Mbugwe yenye kata tano,vijiji ishirini na moja. 

Vijiji hivyo ni vya mwada,Nkaiti,Vilima Vitatu,Matufa,Mapea,Maghara  pamoja na vijiji vingine ambapo wahudumu hao wamepewa mafunzo ya kuokoa maisha ya mama na mtoto katika vijiji vyao.

Mpango huo ni wa shirika la World Vision Tanzania [ADP] ya Magugu kwa kushirikiana na serikali katika kuhakikisha wahudumu hao wanapata mafunzo yaliyo bora ili kuokoa maisha ya wanachi. 

Mratibu wa mradi huo kutoka World Vision ADP Magugu Bwana Majdi Mfinanga amesema shirika litawasaidia kuwapatia vifaa vinavyohitajika katika kutekeleza majukumu yao kwa ukamilifu zaidi ikiwemo baiskeli zitakazo wasaidia kufika haraka katika eneo wanalo hitajika.

Naye kaimu mganga mkuu wa wilaya ya babati Madama Hosea amewataka wahudumu hao kwenda kufanya kazi  kwa ufanisi mkubwa li kuepusha vifo vya mama na mtoto.

Dr. Hosea ameahidi kuwa serikali itawapa ushirikiano wa kutosha ikiwemo kuwatambua na kuwapa sitahiki zinazostahili na kuwaomba wananchi kuwapa ushirikiano wa hali na mali kwani lengo la serikali ni kuboresha huduma ya afya kwa wananchi wote waishio Vijijini na Mijini.

Hata hivyo wahudumu hao wameahidi kufanya kazi kwa ufanisi zaidi kwasababu wamepatiwa mafunzo mazuri ambayo yatawasaidia kufanya kazi zao vizuri.