TCCIA MANYARA KUFANYA MKUTANO WA 10 WIKI HII

Mkuu wa mkoa wa Manyara dr.Joel Nkaya Bendera anatarajiwa kuwa mgeni wa heshima katika mkutano mkuu wa kumi wa Chama cha wafanyabiashara,wakulima na  wenye viwanda mkoa wa Manyara [TCCIA]utakaofanyika mjini Babati siku ya jumatano ya wiki hii.
Akizungumzia mkutano huo afisa mtendaji wa Chama hicho Mwanahamisi Hussein amesema katika mkutano huo watazungumzia namna ya kutatua changamoto mbalimbali zinazowakabili wafanyabiashara wa mkoa wa Manyara.
Aidha Mwanahamisi ameeleza kuwa wakulima watahamasishana kuhusu kuinua na kuendeleza viwanda vilivyopo ndani ya mkoa pamoja na kuzindua Saccos ya wakulima itakayowasaidia kupata huduma kiurahisi.

Wanachama hao wanatoka katika Wilaya  zote tano  za mkoa wa Manyara,Kiteto,Mbulu,Hanang,Simanjiro na Babati.
Mkutano huu huwa unafanyika kila mwaka.
TCCIA ilianzishwa rasmi mwaka 1988.