BAWASA:HATUWEZI KUWEKEZA PASIPO NA WATEJA

Mamlaka ya maji safi na usafi wa Mazingira mjini Babati  [BAWASA] kupitia mtaalamu wake wa ufundi Onores Sebastian   wamesema kuwa wapo tayari kuongeza vituo Vya maji katika kijiji cha Gadwet  endapo wanakijiji hao watakuwa tayari kuvuta maji kwenye nyumba zao.

Hatua hiyo inakuja mwezi mmoja baada ya wanakijiji hao kupitia redio manyara kuiomba Halmashauri ya mji wa Babati na mamlaka hiyo kuwaongezea vituo vya maji.

Wakazi wa kijiji cha Gadwet kata ya Sigino Babati mjini kwa sasa  wanategemea kituo  kimoja tu, kupata maji  hivyo kutumia  muda mwingi kufuata maji hayo.

Kituo hiki kilishuhudia wakina mama na watoto wakitoka umbali zaidi ya kilomita 3 kufuata maji.  

Wamesema kuwa shughuli zao nyingi zinakwama kutokana na kutumia muda mwingi kwenda kufuata maji.

Mwenyekiti wa kitongoji cha Gadwet  Samwel Gwandu licha ya kuishukuru mamlaka ya maji safi na mazingira Babati BAWASA ameeleza kuwa  changamoto kubwa iliyopo kwa sasa ni msongamano katika kituo.