MACSNET MANYARA YAWAJENGEA UWEZO WASAIDIZI WA SHERIA KUUKABILI UKATILI!!

Wasaidizi wa sheria wametakiwa kuendelea kuwasadia wananchi katika kujua sheria ili jamii  iishi kwa kutambua haki zao za msingi.

Akizungumza na wanasheria na wasaidizi wa sheria mkoa wa Manyara waliokutana leo mjini Babati katika tamasha lao linalofanyika kila mwaka,mkuu wa wilaya ya Babati Raymond Mushi amesema kila mwananchi akiitambua sheria itasaidia kupungua kwa vitendo vya uhalifu katika jamii.

Hata hivyo mkuu wa wilaya Mushi amezindua  tovuti  rasmi ya shirika la MACSNET pamoja na jarida la msaada wa kisheria  itakayosaidia kumpatia mwananchi taarifa mbalimbali na kazi zinazofanywa na shirika hilo.

Hata hivyo mkuu wa wilaya Mushi amezindua  tovuti  rasmi ya shirika la MACSNET pamoja na jarida la msaada wa kisheria  itakayosaidia kumpatia mwananchi taarifa mbalimbali na kazi zinazofanywa na shirika hilo.

Mwanasheria wa Asasi ya MACSNET Eliakim Paulo amesema kuwa katika kipindi cha mwaka mmoja wamejitahidi kuwajengea uwezo wasaidizi wa sheria ili nao wakatoe msaada kwa wananchi katika kujua sheria.

Aidha ameeleza kuwa lengo la kuanzisha mradi huo mwanzoni mwa mwaka huu ni kuwapatia elimu wasaidizi wa sheria ili kupunguza migogoro ya ardhi zaidi ya asilimia 90 iliyopo maeneo mbalimbali ya mkoa wa Manyara.

Eliakimu amesema kuwa kupitia elimu wanayoitoa kwa wasidi hao wa sheria itasaidi katika kupunguza migogoro mbalimbali ambayo inayotokana na kutokujua sheria.

Anna Emanuel Fisoo afisa maendeleo ya jamii mkoa wa Manyara anasema kuwa kwa tamasha hilo linafungua njia mpya ya kuwasaidia wakina mama na watoto ambao kwa kiwango kikubwa ndio walengwa wa matukio ya vitendo vya ukatili.

Amesema Wanawake wengi mkoa wa Manyara  wamekuwa wakiteseka kwa kudhulumiwa haki zao haswa ardhi kwa kutokujua sheria.

Amesema idara ya ustawi wa jamii kwa kushirikiana na dawati la jinsia polisi,vyombo vya habari na wasaidizi wa sheria wanafanya kazi kubwa ili kutokomeza vitendo vya kikatili katika jamii.

 

Msaidizi wa sheria kutoka wilaya ya Hana’ng kijiji cha Balangdalalu Raheli Araja amesema kesi nyingi wanazokutanazo wakiwa katika utekelezaji wa majukumu yao ni kesi za ubakaji na ukeketaji lakini jamii kutokana na kukosa elimu ya sheria hazifiki katika vyombo vya sheria hali inayopelekea matukio kama hayo kuendelea kuwepo.

Bi Anna Fissoo akizungumzia suala la hilo la  ubakaji na ukeketaji  katika mkoa wa Manyara amesema kuwa baadhi ya watu wamekuwa wakiogopa kutoa ushahidi mahakamani na wengine kumalizana kimila hali inayopelekea mahakama kushindwa kuwatia hatiani wahusika.

Aidha wasaidizi hao wa sheria wamishukuru serikali kwa kutambua mchango wao katika jamii na kuahidi kushirikiana nao huku wakitoa wito kwa wananchi kuwa wapendane na kuacha kugombea ardhi ambayo kwa sasa imekuwa ikisababisha migogoro baina ya mtu na mtu na wilaya kwa wilaya hata mkoa kwa mkoa.

Gidamis Shahanga amesema kwa sasa ardhi inazidi kuwa ndogo na matumizi ya ardhi yanaongezeka na idadi ya watu pia inaongezeka hivyo wanachi wafuate taratibu za umiliki ardhi.

Tamasha hilo limejumuisha wawakilishi  kutoka katika wilaya 5 za mkoa wa Manyara ambao walipata nafasi ya kuwasilisha  taarifa za kazi za mwaka  kwa kila wilaya kwa kupitia wawakilishi hao na kupata muda wa kuuliza maswali na kujadili kutokana na taarifa hizo. Wilaya hizo ni Hanang, , Babati, Kiteto, Mbulu na  Simanjiro.